सशस्त्र प्रहरी बल (APF) नेपालको सीमा क्षेत्रमा विशेष निगरानी

युनिकोड राशिफल एफएम रेडियाे छाँपा प्रकाशन

सशस्त्र प्रहरी बल (नेपाल) ले सीमा सुरक्षा, आन्तरिक शान्ति-सुरक्षा, राजस्व संरक्षण तथा विपद् व्यवस्थापनमा प्रभावकारी रूपमा काम गरेको दाबी गरेको छ।

१. सीमा सुरक्षा र विकासका कार्यक्रमहरू

सशस्त्र प्रहरीले २०८० कार्तिक १ गतेदेखि सुरु गरिएको ‘सीमावासीसँग सशस्त्र प्रहरी कार्यक्रम’ र ‘बोर्डर एरिया डेभलपमेन्ट प्रोग्राम’ मार्फत सीमा क्षेत्रमा विभिन्न कार्यक्रमहरू सञ्चालन गरेको जनाएको छ।

जनचेतनामूलक कार्यक्रम: लागुऔषध, राजस्व चुहावट, आगलागी, अवैध गतिविधि तथा सीमा अपराधबारे २,०७२ जनचेतनामूलक कार्यक्रम सञ्चालन।
अन्तरक्रिया: वडा अध्यक्ष तथा सीमावासीसँग ८६१ अन्तरक्रिया कार्यक्रम।
सहजीकरण: १,०७५ सीमा सहजीकरण समिति बैठक सञ्चालन।
सहायता: ३१० हेल्प डेस्क र ८ पर्यटक सहायता कक्ष सञ्चालन।
गस्ती: सीमा क्षेत्रमा २४ घण्टा पैदल गस्ती निरन्तर सञ्चालन।

२. सामुदायिक तथा विकासमूलक कार्यहरू

APF ले सीमा क्षेत्रमा जनसेवा र विकासका लागि विभिन्न कार्यहरू गरेको विवरण दिएको छ:

मरम्मत तथा सरसफाइ: ६३८ स्थानमा धार्मिक स्थल, विद्यालय, खेल मैदान, बाटोघाटो, कुलो–पैनीको सरसफाइ तथा स्तरोन्नति।
निर्माण/मरम्मत: ६० स्थानमा यात्रु प्रतीक्षालय, धारा–ट्याङ्की, सार्वजनिक शौचालय तथा घर मर्मत।
तालीम: २५ प्रकारका सीपमूलक तालिमहरू।
स्वास्थ्य: ५५ स्वास्थ्य शिविर, निःशुल्क औषधि तथा स्वास्थ्य सेवा वितरण।
शैक्षिक सहयोग: १७ जिल्लामा १७१ लाभग्राहीलाई शैक्षिक सामग्री तथा क्रीडा सामग्री वितरण।
सरसफाइ सामग्री: ६ स्थानमा सरसफाइ सामग्री वितरण।
छात्रवृत्ति: झापा र मुस्ताङबाट २ जनालाई नेपाल एपीएफ स्कूलमा छात्रवृत्ति प्रदान।

३. पूर्वाधार तथा हातहतियार बरामद

स्तम्भ मर्मत: आर्थिक वर्ष २०८१/८२ र २०८२/८३ मा ५५८ स्तम्भ (६७ मुख्य, १५५ सहायक, ३३६ साना) मर्मत गरिएको।
हातहतियार बरामद: पछिल्ला तीन आर्थिक वर्षमा ठूलो संख्यामा भरुवा बन्दुक, कटुवा, पेस्तोल, एयरगनसहित उल्लेख्य संख्यामा हेभी तथा साना हातहतियार बरामद गरेको जानकारी दिएको छ।

४. APF को भूमिका

सशस्त्र प्रहरी बलले सीमा सुरक्षा, विकास सहकार्य, जनचेतना विस्तार, राजस्व संरक्षणदेखि लिएर विपद् व्यवस्थापनसम्मका विविध कार्यहरूमा उल्लेख्य प्रगति गर्दै राष्ट्रिय सुरक्षा तथा सेवा प्रवाहमा आफ्नो भूमिकालाई सुदृढ पारेको जनाएको छ।

🗳️ निर्वाचन सुरक्षा सम्बन्धी परिचालन नीति (२०८२)

सशस्त्र प्रहरी बलले पारदर्शी, निष्पक्ष र भयरहित वातावरणमा निर्वाचन गराउनका लागि प्रतिनिधि सभा सदस्य निर्वाचन २०८२ को सुरक्षा कार्यमा परिचालन नीति तर्जुमा गरेको जनाएको छ।

दायित्व: सबै निर्वाचन क्षेत्रहरूमा तोकिएको जिम्मेवारीमा परिचालन गरिने।
सुरक्षा घेरा: निर्वाचन सुरक्षाका लागि सुरक्षाको दोस्रो घेरामा रही अन्य सुरक्षा निकायसँग समन्वयकात्मक रूपमा परिचालित हुने।
तालीम: निर्वाचन सुरक्षा अनुशिक्षण तालीम सम्बन्धी पाठ्यक्रम तयार गरी निर्वाचनमा खटिनुपूर्व सम्पूर्ण सशस्त्र प्रहरी कर्मचारीलाई निर्वाचन सुरक्षा अनुशिक्षण तालीम दिइने।
रणनीतिक स्थानमा परिचालन: QRT (Quick Response Team) मा रहेका जनशक्तिलाई निर्वाचनको एक दिन अगाडिदेखि निर्वाचनको एक दिन पछाडिसम्म हातहतियार तथा अन्य आवश्यक साधनका साथ युनिटको जिम्मेवारी क्षेत्रमा पर्ने रणनीतिक स्थानमा सवारी साधनसहित परिचालन गरिने।